+0 به يه ن
ياسلي ياپالاق فارسي دانيشماقدا نه گؤردون؟
اي بابكين اولادي نه چون اصلينـــــــــــي داندين؟
اويدون يارامازلار فئلينه اولدون اويونجـــــــــــــــاق
آنجاق نه بيليم بلكي ده افشين دن اوتانديـــــن!
هرزه سو كيمين اؤزگه لرين آرخينا آخديــــــــــن
توركون گؤزونه سن نيه ياد گؤزلوگو تاخديـــــــن؟
شيمشك اولالي اؤز كوكونو آتشه ياخديـــــــــن
يوز حئيف اولا كي تاريخي سن ترسينه قاندين
توركون اولوسو،بير قوجامان كوكلي چينارديــــــر
اولدوز كيمي پارلاق بو ائلين گئچميشي واردير
بير داغ اولالي اؤزگه سي بير سخره ديــواردي
داغدان چئويريب اؤز نيه ديواره دايانديـــــــــــن؟
آچ تاريخي بو ائلده اولان شهرته بير بــــــــــاخ
تومروس آنادان دالقالانان جرعته بير بــــــــــاخ
قورقوت دده ستار اتالي ميللته بير بــــــــــــاخ
بيگانه لرين توهمتينه يوخسا اينانديـــــــــــن؟
بيگانه بيزه مكر ايله توهمت داشي آتـــــدي
چوخ كيمسه چاشيب اؤزلوگونو اؤزگيه ساتدي
آلچاتدي اؤزون ،اؤزگه سيني عرشه اوجالتدي
سويله گؤزليم سن نيه باخديقجا اوسانديـن؟
تاريخلره گئتديكجه بيزيم يول ـ ايزيميــــــز وار
گويلرده هيلال بير آييميز ـ اولدوزومــــــوز وار
مئيداندا بوكولمز قولوموز سرت ديليميـــز وار
آيدين بو حقيقت لري گؤردون نيه دانديــــن؟
گؤنده ر
بؤلوم لر:
كيتاب دانلودي