+0 به يه ن
+0 به يه ن
ياشاســـــــــــــــــــــــــــين آزربايجــــــــــــــــــــــــــــــــــــــانيم
نچه استان شوهرتينن تانينار
الينده اولان صنعتيينن تانينار
نجه شمال دويوسونن تانينار
نجه تبريز قالي سينن تانينار
قوربان اولوم اوز آنامين سوتونه
آزربايجان غيرتينن تانينا
گؤنده ر
بؤلوم لر:
كيتاب دانلودي
+0 به يه ن
اگر اجرا اولا دوز گون عدالت
آلا ظاليم ده ن اوز حقين بو ميلت
وطن جنت اولار ملت ملاكه
يوكون باغلار بئله يئرده ن جهالت
نه لازيمدير قوشون عادل اميره
اگر همسايه لر ائتسه شرارت
جماعت توپلاشيب آرتش اولارلار
نفس چكماقينا وئرمزله مهلت
ائيله تنبيه ائدلر بيرليك له
جهان تاوار ائده بيلمز جسارت
سوسوز دور عدليله انصافه مردم
نقدري تشنه قالسين بو جماعت
علي ايستير الينده ذولفقاري
ائده ال سيز اياق سيزدان حيمايت
او كس دوزگون ائده ر قانوني اجرا
اؤزو هئچ ائتمييه ذره خيانت
گره ك حاكيم علي ده ن درسين آلسين
كي اولسون منبع عدل و شجاعت
نه دير ايستكلري خلقين خداده ن
عدالت دير عدالت دير عدالت
قورو سؤزله بو ميلت ايصلاح اولماز
قلينج ايستير ائده حقه هدايت
اوتودسا ، ظاليمي قانون يئرينده
چكه هيهات يوخسولار مذلت
اگر قانون اولا يكسان ايجرا
كيم ائت مز بئله قانوندان اطاعت
اگر بئل باغلاسيدي رهبره خلق
يئتردي عزته چكمزدي ذلت
بئله لازيمدي يازسين (نجار اوغلو)
جماعت ايستير اجراي عدالت
گؤنده ر
بؤلوم لر:
كيتاب دانلودي
+0 به يه ن
آرزوم نيتيم بودور آي ائللر
دونيانين اوره يي قانا دؤنمه سين
زمي ده سنبل لر ، باغچادا گل لر
بشرين چؤره يي قانا دؤنمه سين
قانا بولانماسين يئرين مرازي
هر عصرين هر ايلين نور سپن يازي
شاعرين شعري ، عاشيقين سازي
آرزوسو ديله يي قانا دؤنمه سين
قانا بولانماسين صبحون گولوشو
گؤرمويك دهشتلي ماتم گؤروشو
آتانين ساققالي ، آنانين كؤكسو
ياخاسي ، كؤينه يي قانا دؤنمه سين
قانا بولانماسين انسان ثروتي
حياتين وارليغي سؤزون قدرتي
مين مين جاوانلارين صاف محبتي
بويلوغو كؤينه يي قانا دؤنمه سين
آداخلي مين اولسون عدالتلي مين
داغيلسين تالانسين ائوي پيسليغين
هئچ كيمسه نين هئچ كيمين
عمرو گله جه يي قانا دؤنمه سين
چيراغلاري يانديرين
عرشه قالخسين توسكوسو
هر اوبادا هر ائل ده
قاناد آچسين صلح سؤزو
من آنايام سسيمده
يئرين گؤيون دردي وار
صلحه گلين انسانلار
يوخسا دونيا محو اولار
گؤنده ر
بؤلوم لر:
كيتاب دانلودي
+0 به يه ن
ايتيميز قورد اولالي،بيزده قاييديق قويون اولدوخ
ايت ايله قول-بويون اولدوخ
ايت الينده ن قاييديب،قوردادا بير زاد بويون اولدوخ
ايت ايله قول-بويون اولدوخ
قوردوموز ديشلريني هي قارا داشلاردا ايتيددي
قويونون دا ايشي بيتدي سون سوخولدي سورويه
،بير سوروني سوءكدو –داغيتدي اكيليب ،
ايت گئديب ايتدي بيزده باخدخ
ايت ايله قورد آراسيندا اويون اولوخ
ايت ايله قول-بويون اولدوخ
ايتيميز قورد اولالي،بيزده قاييديق قويون اولدوخ
گؤنده ر
بؤلوم لر:
كيتاب دانلودي
+0 به يه ن
توركو بير چشمه ايسه مـن اونو دريـا ائلـه ديـم
بير سويـوق معركـه نـي، محشر كـبرا ائلـه ديـم
بيـر ايشلتيدي سهـا اولـدوز تـك گــور سنـمــز
گوز ياشيـمـلا مـن اونـو عـقـد ثـريـا ائـلــه ديـم
اوميـديـم وار كـي بو دريـا ، هلـه اوقيـانوس اولا
اونـا ضــاميــن، بـو زمــينه كــي مهيـا ائلـه ديـم
عيـرفـانـا چـاتـماسـا ، شـعـرو ادب ابقـا اولـمــاز
من ده عيرفانه چاتيب ، شـعـرمـي ابقـا ائلـه ديـم
ابـديــتـلـه يــانـاشديـم، دوغـولا حـافـيـظـه تـاي
شـيرازيــن شــاهچــراغيـن تبريزه اهدا ائله ديم
توركونون جانـيـنـي آلــميشــدي حياسيز طاغوت
مـنده حـافـيـظ كـيـمـي اعـجـاز مـسـيـحـا ائلـه ديم
قمه- قداره لر آغزيندا ديل اولمـوشـدو سـويـوش
من سئوينج ائتديـم اونو، خـنـجـري خرما ائله ديم
ايندي گويـلـر ده گـوزل صفلـه ، صفا ايله گـزيـر
منـجـلابـلاردا اوزن اوردگــي دورنـــــا ائلـه ديـم
باخ كي (حيدر بابا) افسانه تك اولموش بـير قــاف
من كيچيك بير داغي سر منــزل عنقــا ائلـه ديـم
بوردا «روشن ضمير» يـن ده هنرين يـاد ائلـه ديم
من اونـون دا قلميـــن طـوطــي گويـــا ائـلـه ديـم
نـه تــك ايـرانـدا مـنيم ولـولـه سـالمــيـش قلميــم
باخ كي توركيه ده ، قـافقازدا نه غـوغـا ائـلـه ديــم
بـاخ كـي تهــرانـدا، نـه فرزانـه لــر اولمــوش واله
بــاخ كــي تبريزده ، نــه شاعرلري شيدا ايله ديم
هم سهنديه ، سهندين داغيـن ائتـدي بــاش اوجـا
هم من اوز قارداشيمين حـاققيني ايفــا ائلـه ديــم
آجـي ديـللر ده شيـريـن توركـو ، اولوردو حنضـل
من شيريـن ديـللر قاتـديم، اونـو حلـوا ائـلـه ديـم
هــر نـه قالـميشدي كئچنلــردن اونــا بــال پتـگي
ارديب موملو بالــيـن شـهــد مـصـفـا ائـلـه ديـــم
توركـو، والـلاه، آنـالار اوخشاغي ، لايلاي ديلي دير
درديــمــي مــن بــو دواايــلــه مـداوا ائـلـه ديــم
شهريار ، حيف ساووخدور بو د گـيـرمـان هلـه ده
دارتماغـا يـوخـدو دنــي ، من ده مـداوا ائـلـه ديـم
گؤنده ر
بؤلوم لر:
كيتاب دانلودي
+0 به يه ن
آنالارنيسگيلين آل قاراداغدان
«يانيق كرمي» ني چال قاراداغدان
اوره يي قان اولان وطنيم آغلير
باغري شان – شان اولان وطنيم آغلير
يوللاردان كسيليب گليب – گئده ني
يولدان قايتارمير لار يارديم ائده ني!
كؤرپه نين سولوخموش ،جانسيز بده ني ،
آنا قوجاغيندا ! سينه مي داغلير
باغري شان - شان اولان وطنيم آغلير
دئپره م قويماييبدي داش اوسته داشين
ديري قالانيدا ايتيريب باشين
مله يه – مله يه باجي قارداشين
سويوق يئرده ن ايستير !گؤيده ن سوراغلير
باغري شان – شان اولان وطنيم آغلير
يوردو داغيليبدي اولو ميلتين
قوينوندا قاليبدي قولو ميلتين
ئولومده ن كئچيلير يولو ميلتين
قارادغ قاراسين باشينا باغلير
باغري شان – شان اولان وطنيم آغلير
ئولمزيك ! ياشاماق قانيميزدادير
قئيره تلي «ستارخان» يانيميزدادير
وطنداش سئوگي سي جانيميزدادير
35 ميليونون گؤزياشي چاغلير
قارداغ قاراسين باشينا باغلير
گؤنده ر
بؤلوم لر:
كيتاب دانلودي
+0 به يه ن
ائويميز قبير اولدو
چاراميز صبير اولدو
تيتره دي يئر، كنديميز
توپراغينان بير اولدو
تيتره دي يئر، دام اوچدو
الولاندي شام اوچدو
آناسينين قوينوندا
قوش كيمي بالام اوچدو
گئتدي ائويم ائشيگيم
قيريلدي ايليشيگيم
فلك ييخدي ائويمي
جان وئردي سون بئشيگيم
فلك پوزدو باغيمي
داغيتدي توفاغيمي
ائيله دي ياس حيجله سي
منيم توي اتاغيمي
داغيم اولدو يار منه
آغلادي داشلار منه
آي يئر! ويران اولاسان
ياريمي قايتار منه
گؤزياشيم ياغا ياغا
قالخاجاغام آْياغا
دوزدوسينيبدي بئليم
بوكولمه رم بوداغا
دوزدو سينيبدي بئليم
آي منيم ياسلي ائليم
يئري شوخوم ويراجاق
يئنه ده پاسلي بئليم
گؤنده ر
بؤلوم لر:
كيتاب دانلودي
+0 به يه ن
توركم منه چوخ فارسي قيريلداتما آي اوغلان
علم اولماسا موشگول دونوب آسان اولا بيلمز
ائـلـلر سؤزودور تولـكودن اصـلان اولا بـيـلمز
ائل درد و غمين قانمـايـان اينسان اولا بـيلمز
هرزه گـولـو ائـل گـولـلرينـه قـاتمـا آي اوغلان
توركم منه چوخ فارسي قيريلداتما آي اوغلان
آرتيـق چاليـشيب دوزلره اوخشـاتما يـالاني
تـوركـون آتـيـنا تيـكمه يـاراشـديـرما پـالاني
آز بـيـلمه دمـاونـديـدن اوغـلان ســاوالاني
ائل قارغيش ائدر بوغدا وئريب ساققيز آلاني
ميـسدن اؤتـري آغ قيزيلي ساتما آي اوغلان
توركم منه چوخ فارسي قيريلداتما آي اوغلان
باخ تاريخه گؤر كيم ده ده وه خور باخيب اوغلان
اينسـان آدينـي دفتـره كيـم يـازديـريـب اوغـلان
كيـم بــابـكي سـاتـدي عربـه خانـه سي ويران
كيـم ائـتـدي خيــانـت بـؤلـونـوب آزربــايـجــان
غفـلت يـوخوسونـدا بو قدر يـاتـما آي اوغلان
توركم منه چوخ فارسي قيريلداتما آي اوغلان
مشروطـه ليـگي كيـم گتيـريب ايـرانا يولداش
ستتار خـاني كيـملر چـاغيريب تهـرانا يولداش
دالدان كيم آتيب گولله ني ستتار خانا يولداش
كيـم قـاره باغي هديـه وئـريب ايـروانا يولداش
بسدير باشا دوش باغريمي چاتداتما آي اوغلان
تـوركم منـه چـوخ فارسي قيريلداتما آي اوغلان
بـيـز يـانـديـران اودلاردا بـو گـون يـانـدي اوشاقلار
پـيـس گـونـده،يـامـان يـئـرده آيـاقلانـدي اوشاقلار
دانديق ديلي بيز ريشه سي ني داندي اوشاقلار
ايـنـدي بـيـزه يـوخ يـادلارا قـوربـانـدي اوشــاقلار
بوش بوش دانيشيب بئينيمي لاخلاتما آي اوغلان
تـوركـم مـنـه چـوخ فـارسي قيـريلداتـما آي اوغلان
من سؤيـله ميـرم ديـلـلري اؤرگشـمه دانيشما
يانسين اوره گيم باشي دئسم فارسا قاريشما
آنـجـاق دئـيـيـرم يـادلارا چــوخ يـانـمـا آليـشـما
هـر كيـم ائـليـني دانسا،كوسوب اونلا باريشما
گولسن ، خار اولوب ائل گؤزينه باتما آي اوغلان
تـوركم منـه چـوخ فارسي قيـريلداتما آي اوغلان
دوشـمان اوزووه گـولسه ايـنان تـازه كلك دي
پـروانـه ده يـير شمـعلـره اوغـلان كپـنـك دي
((آيريلمازا)) واجيب سؤزون آشكارا دئمك دي
توركون ديلينين اوستادي آللاه دي دئمك دي
شئـيـطـاني اهـورا بـئـلينه چـاتـما آي اوغلان
توركم منه چوخ فارسي قيريلداتما آي اوغلان
گؤنده ر
بؤلوم لر:
كيتاب دانلودي
+0 به يه ن
فرياده گلين نازلي نيگاريم گئدير الده ن
همد م اولوب اغياريله ياريم گئدير الده ن
رفتاري گوزل نوطقي گوزل باخماسي گويچك
آهو كيمي باخديقجا قراريم گئدير الده ن
حسرتله قالار گوزلريم آخير دالئسيجا
هجران يئلي اسديكجه باهاريم گئدير الده ن
ناز ايله سه نازين چه كه ره م ئول ديسه ئوللم
يوخ چاره يولوم شعر و شعاريم گئدير الده ن
آواره قالان من غمي عشقينده يانان من
آخير نه دئييم دار و نه داريم گئدير الده ن
زلفين توكوب اطرافه گيوب جامه ي زرين
آماده اولوب گئتمگه ياريم گئدير الده ن
گؤنده ر
بؤلوم لر:
كيتاب دانلودي
+0 به يه ن
يوخو اويرتدي اوشاقليقدا منه( خواب)كي يوخ
ايلك دفعه كي چورك وئردي منه نان دئمه دي
ازليندن منه دوزدانه نمكدان دئمه دي
آنام اختر دئمه يبدير منه اولدوز دئييب او
سو دوناندا ِ دئمه ييب يخدي بالا بوز دئييب او
قار دئيب برف دئمه ييب ِ دست دئمه ييب ال دئييب او
منه هچواخت بيا سويله مه يب گل دئييب او
ياخشي خاطرلاييرام ياز گوني آخشام چاغي لار
باغچانيين گون باتانيندا كي ِ ايليق گون ياييلار
گل: دئييه ردي ِ داراييم باشيوي اي نازلي بالام
گلمه سن گر باجيوين استاجا زولفون دارارام
او دئمه زدي كي :بيا شانه زنم بر سر تو
گر نيايي بزنم شانه سر خواهر تو
اين قسمت از شعر رو دقيق و عميق بخوانيد:
بلي داش ياغسادا گويدن سن اوسان منده بويام
وار سنين باشقا آنان واردي منيم باشقا آنام
اوزومه مخصوص اولان باشقا ائليم واردي منيم
ائليمه مخصوص اولان باشقا ديليم واردي منيم
ايسته سن قارداش اولاق ِ بير ياشاياق ِ بيرليك ائدك
وئريبين قول قولا ِ بوندان سورا بير يولدا گئدك
اولا ِ اوزگه كولك لرله گورك آخماياسان
ثانيا ِ وارليغيما ِخالقيما خور باخماياسان
يوخسا گر زور دئييه سن ميلتيمي خوار ائده
گون گلر صفحه چونر مجبور اولارسان گئدسن
گؤنده ر
بؤلوم لر:
آنا ديليمده شعر
+0 به يه ن
داريلماسين دؤزن اورك
بو دردلره بو داغلارا
گئجيكسه ده ياز گله جك
بو دوزلره بو داغلارا
اوسانماسين سازلي سؤزون
ايسلانماسين گؤزلر گؤزون
اسيرگه مه سؤزون دوزون
ده بولبوله ده باغلارا
قيش سونوندا يازدير گلن
بولبوللردير باغدا اؤتن
ائل اوبادير دئييب گولن
آلقيش اولسون او چاغلارا
يار ياشماغين دوزر اوزه
جان ياراسي دوشر اوزه
مارال يئنر داغدان دوزه
بولبول قونار بوداغلارا
اسر يئنه ايليق يئللر
گئجه بيتر اولار سحر
آزاد ائليم دئييب گولر
گول اله نر بولاغلارا
يامان گوندور گولوم دايان
اؤز ائلينه گوون اينان
بير گون گولر آذربايجان
گولوش دونر دوداغلارا
گؤنده ر
بؤلوم لر:
كيتاب دانلودي
+0 به يه ن
باشي اجاليق نان دئييرم قره داغ دي ائليم ائليمه قوربان اولوم
نئچه ديل آراسيندا تورك دي ديليم ديليمه قوربان اولوم
تاريخ لر سينه سينده گزير آدي ستار خانين
نسل لرارگينده گزير يادي ستارخانين
ظلمه چكدي هراي دنياني توتدي فريادي ستار خانين
قهرمانلار دوخوب بويدن اليمه قربان اولوم
نادرم اؤلنجن آتمارام اؤز ائليمي
قانيمنان ياشادارام اورگيمده تورك ديليمي
قره داغ ائليمه باغلي گؤررم بئليمي
بابكلر يوردو آذر ائليمه قوربان اولوم
گؤنده ر
بؤلوم لر:
كيتاب دانلودي
+0 به يه ن
قادر آلله قره داغدان نه قدر اينجيميسن ؟
گوندريبسن سويوغي ، رحم ائله خلقه بو گئجه
بيليسن تيترمه دن بنده لرين گتمير ائوه
بير طرفدن يئل اسير وحشته آرتير بو گئجه
آنالار باغرينا باسميش چغران كورپلرين
قوجاغي ايستي ديير تيتريري قول لار بو گئجه
بير چادر دي هامينين صبحه كيمين سر پناهي
اونودا يئل آلير الدن گويه قوزور بو گئجه
فيكيريم كتده قالان چولده ياتانلاردا قاليب
قالمادي ديزلره طاقت بو سازاخدان بو گئجه
آغلاما غم لي بولوت آغلاماغين وقتي ديير
گورموسن بي پناه انسلاري آغلير بو گئجه
گؤنده ر
بؤلوم لر:
كيتاب دانلودي
+0 به يه ن
آتام بابك اوزوم توركم
آنام تومروس اوزوم قوردام
اورك تاقت اوزوم دردم
سوزوم حججت اوزوم مردم
گوزوم خسته اوزوم مستم
ائليم طوفان اوزوم دستم
يوردوم اوياق اوزوم ساياق
وطن تورباق اوزوم بوداق
ائليم قودرت اوزوم قيرت
سازم ثيروت اوزوم قيمت
وطن جننت اوزوم داغام
يوردوم سئوينج اوزوم شادام
گؤنده ر
بؤلوم لر:
كيتاب دانلودي