تاريخ : شنبه 16 مهر 1390 | یازار : "ايران سنگري‌نين قوْرخماز ايگيد قهرماني"
+0 به يه ن
پندير آغزندا بير قارا قارغا
اوچاراق قوندو بير اوجا بوداغا
تولكي گرجك ياواش-ياواش گلدياناندريب باش ادبله چومبلدي
بير زمان حسرت ايله قارغا ساري
آلتدان- آلتدان ماريتدي باش يوغاري
دئدي : " اَحسَن سنه آ قارغا آغا
نه نزاكتله قونموسان
بَزَدين سن بويون بيزيم چمني
شاد قيلدين بو گلمگيله مني
نه گوزلسَن، نه خوش لقاسان سن
يئري وار سويليم هماسان سن
توكلرين دير ايپك كيمي پارلاق
بد نظردن وجودين اولسون ايراق
بو يَقين دير كه وار سئويملي سسين
اوخو وئر سين مننه صفا نفسين"
بويله سوزدن فرحلييب قارغا
آغزيني آشدي تا كي ائتسين "غا"
"غا" ادركن هنوز بيرجه كره
پِنديري ديمديگيندن آئدي يئره
تولكو فوراً هواده قاپد يدي
قارغايا طعنه ايله بويله دئدي:
"اولماسايدي جهاندا سارساقلار
آج قالاردييقين كي يالتاقلار."
ميرزا علي اكبر صابر
گؤنده ر
بؤلوم لر:
تاريخ : پنجشنبه 14 مهر 1390 | یازار : "ايران سنگري‌نين قوْرخماز ايگيد قهرماني"
+0 به يه ن
يارين بويون قوجاخلاديم
يارآغلادي من آغلاديم
ييغشدي قونشولار بوتون
جار آغلادي من آغلاديم
باشيندا قارلي داغلارا
دانشديم آيرليق سوزون
بير آه چكيب باشينداكي
قار آغلادي من آغلاديم
طاريمدا نار آغاجلاري
مني گوروب دانيشديلار
بويومو زيتون اوخشادي
نار آغلادي من آغلاديم
ايله كه اسدي بير خزان
تالاندي گولليرم منيم
خبر چاتينجا بولبوله
خار آغلادي من آغلاديم
اورك سوزون دئديم تارا
سيملر اولدي پارا پارا
ياواش ياواش سيزيلدادي
تار آغلادي من آغلاديم
يارآغلادي من آغلاديم
ييغشدي قونشولار بوتون
جار آغلادي من آغلاديم
باشيندا قارلي داغلارا
دانشديم آيرليق سوزون
بير آه چكيب باشينداكي
قار آغلادي من آغلاديم
طاريمدا نار آغاجلاري
مني گوروب دانيشديلار
بويومو زيتون اوخشادي
نار آغلادي من آغلاديم
ايله كه اسدي بير خزان
تالاندي گولليرم منيم
خبر چاتينجا بولبوله
خار آغلادي من آغلاديم
اورك سوزون دئديم تارا
سيملر اولدي پارا پارا
ياواش ياواش سيزيلدادي
تار آغلادي من آغلاديم
گؤنده ر
بؤلوم لر:
یارپاق لار:
[1]